ՄԵՐ ՄԱՍԻՆ

Միգրացիոն ծառայությունը Տարածքային կառավարման և ենթակառուցվածքների նախարարության կազմում գործող Հայաստանի Հանրապետության գործադիր իշխանության հանրապետական մարմին է, որն օրենքով, իսկ առանձին դեպքերում Հայաստանի Հանրապետության օրենսդրությամբ նախատեսված դեպքերում, մատուցում է ծառայություններ՝ միգրացիոն բնագավառում  հանդես գալով Հայաստանի Հանրապետության անունից:

Կարդալ ավելին

Օրենսդրություն

Միգրացիոն ծառայությունը օրենքով ստեղծված պետական մարմին է։ Այն տարածքային կառավարման և ենթակառուցվածքների նախարարությանը ենթակա մարմին է: Ծառայությունը գործում է Սահմանադրության, օրենքների, իրավական այլ ակտերի և իր կանոնադրության հիման վրա:

Կարդալ ավելին

ՄԻԳՐԱՑԻՈՆ ԾԱՌԱՅՈՒԹՅՈՒՆՈՒՄ ԸՆԴՈՒՆԵԼՈՒԹՅՈՒՆԸ ԺԱՄԱՆԱԿԱՎՈՐԱՊԵՍ ՍԱՀՄԱՆԱՓԱԿՎԱԾ Է

Նորություններ

10
սեպ

Ավստրիայի ներգաղթի և ապաստանի հարցերով դաշնային գրասենյակի հրավերով  սեպտեմբերի 8-11-ը Վիեննայում է գտնվում հայկական միջագերատեսչական պատվիրակությունը: Հայաստանի միգրացիոն ծառայությունից պատվիրակության կազմում ներգրավված է Ծառայության պետ Արմեն Ղազարյանը: Այցի շրջանակում Ա. Ղազարյանը հանդիպում է ունեցել Ավստրիայի ներգաղթի և ապաստանի հարցերով դաշնային գրասենյակի Դուբլինի և միջազգային հարաբերությունների բաժնի ղեկավար Պույա Քոշսորուրի հետ: Կողմերը քննարկել են Հայաստանի Հանրապետության և Եվրոպական Միության միջև առանց թույլտվության  բնակվող  անձանց   հետընդունման (ռեադմիսիայի) մասին  համաձայնագրի համատեքստում առաջացած մի շարք ընթացիկ աշխատանքային հարցեր ու հնարավոր արդյունավետ լուծումների տարբերակներ, անդրադարձ է եղել նաև ռեադմիսիոն համաձայնագրի շրջանակում Հայաստանի բարձր կատարողականին, ինչպես նաև ԵՄ-ի հետ վիզաների ազատականացման գործընթացի հնարավոր մեկնարկին:

Հիշեցնենք, որ ՀՀ-ի և ԵՄ-ի  միջև ռեադմիսիայի մասին  համաձայնագիրը  ստորագրվել է  2013թ.-ի ապրիլի 19-ին, և  ուժի մեջ է մտել 2014թ. հունվարի 1-ից: Համաձայնագրի միջոցով Պայմանավորվող կողմերի համար հնարավոր է դարձել փոխադարձության հիման վրա ստեղծել արագ և արդյունավետ իրավական ընթացակարգեր   կանոնակարգված վերադարձի կազմակերպման համար:

 

Կարդալ ավելին
09
սեպ

Սեպտեմբերի 8-11-ն աշխատանքային այցով Ավստրիայում գտնվող ՄԾ պետ Արմեն Ղազարյանը Վիեննայում հանդիպում է ունեցել Միգրացիոն քաղաքականության մշակման միջազգային կենտրոնի (ՄՔՄՄԿ) գլխամասային գրասենյակի Միգրացիոն երկխոսության և համագործակցության տնօրեն Մարթին Փլյումի և Արևելյան Եվրոպայի և Կենտրոնական Ասիայի տարածաշրջանային ղեկավար Վիոլետա Վագների հետ:

Կողմերը քննարկել են երկկողմ համագործակցությունն ու դրա շարունակականության հնարավորությունը: Ա. Ղազարյանը բարձր է գնահատել ՄՔՄՄԿ-ի նախաձեռնությամբ 2018 թ-ից ՄԾ-ում գործող ԷՐԻՆ ծրագրի արդյունավետությունը, որի շրջանակում շուրջ 1000 վերադարձողներ ստացել են վերաինտեգրման աջակցություն: ՄԾ պետը ներկայացրել է նաև նույն ծրագրի շրջանակում իրականացվող նախաձեռնությունը, որով ՄԾ վերադարձի և վերաինտեգրման աշխատակիցների, ինչպես նաև ոլորտին առնչվող այլ մասնագետների համար նախատեսվում է անցկացնել կարողությունների զարգացման դասըթնացների շարք:

Միջազգային կազմակերպության աջակցությամբ Հայաստանում իրականացվող արժեքավոր նախաձեռնությունների թվում է նաև 100-ից ավելի ապաստան հայցողների համար նախատեսվող նոր կացարանի շինարարությունը, ինչի կապակցությամբ ևս ՄԾ պետն իր գոհունակությունն է հայտնել գործընկերներին:

Մ. Փլյումի և Վ. Վագների հետ քննարկվել է ՄՔՄՄԿ-ի աջակցությամբ և ԵՄ-ի օժանդակությամբ Հայաստանում մեկնարկած IMPACT ծրագիրը, որի շրջանակում նախատեսվում է Հայաստան վերադարձող և աշխատանքային միգրանտներին  և նրանց ընտանիքի անդամներին ֆինանսական աջակցություն ցուցաբերել 1+1 սկզբունքով՝ սեփական ձեռներեցությունը հիմնելու նպատակով, որով նրանց միջոցները կուղղվեն հայրենիքում հիմնվելուն, տեղական զարգացմանն ու աշխատատեղերի ստեղծմանը:

 

Կարդալ ավելին
08
սեպ

Հայաստանի միգրացիոն ծառայության նախաձեռնությամբ և ՄԱԿ-ի միգրացիայի միջազգային կազմակերպության աջակցությամբ այսօր տեղի ունեցավ միջգերատեսչական հանդիպում օտարերկրացիներին արդյունավետ և պարզեցված աշխատանքի թույլտվության համակարգի ներդրման թեմայով:

            Նոր համակարգը գործարկվելու է 2022 թ-ի հունվարի 1-ից: Առաջիկայում նախագիծը կդրվի հանրային քննարկման:  Օտարերկրացուն ներկայում աշխատանքի թույլտվություն տալիս է Աշխատանքի և սոցիալական հարցերի նախարարությունը, ինչի հիման վրա օտարերկրացին դիմում է Ոստիկանության անձնագրային ու վիզաների վարչություն՝ աշխատանքի հիմքով կացության կարգավիճակ ստանալու նպատակով: Նոր համակարգով այս գործընթացները միավորվում են ու ամբողջությամբ դառնում են էլեկտրոնային: Այդպիսով, դյուրացվում է գործատուի բեռը, քանի որ աշխատանքի թույլտվություն օտարերկրացուն տրվում է գործատուի դիմումի հիման վրա և այն պարագայում, երբ թափուր հաստիքը չի համալրվում ՀՀ քաղաքացի թեկնածուով: Նոր հարթակի ներդրմամբ կրճատվում են գործընթացի ժամկետները, դյուրացվում է անհրաժեշտ փաստաթղթերի ընդունումը, միևնույն հարթակում էլեկտրոնային եղանակով հասանելիություն են ստանում ոլորտի պետական կառույցները:

Քննարկմանը մասնակցում էին Աշխատանքի և սոցիալական հարցերի, Բարձր  տեխնոլոգիական արդյունաբերության, Էկոնոմիկայի, Կրթության, գիտության, մշակույթի և սպորտի նախարարությունների, Ազգային անվտանգության ծառայության, Ոստիկանության, Էլեկտրոնային կառավարման ենթակառուցվածքների ներդրման գրասենյակի ներկայացուցիչները, ինչպես նաև Միգրացիոն ծառայության, ՄԱԿ ՄՄԿ-ի աշխատակիցները, նախագծի հեղինակ փորձագետներն ու էլեկտրոնային համակարգի հեղինակ ծրագրավորողները:

Հանդիպման ընթացքում ծավալվեց ակտիվ քննարկում համակարգի գործարկման տարբեր սցենարների շուրջ: Ներկաները կիսվեցին իրենց փորձառությամբ, հնարավոր բարդություններով, հայտնեցին իրենց մտահոգությունները, իսկ նախաձեռնության հեղինակները առաջարկեցին բարձրաձայնված հարցերի հնարավոր արդյունավետ լուծումներն ու ի գիտություն ընդունեցին հնչած առաջարկները: Մինչև տարվա վերջ Միգրացիոն ծառայությունը կնախաձեռնի հանդիպումների շարք օտարերկրացի ներգրավելու փորձառություն ունեցող գործատուների հետ: Մասնագետները կներկայացնեն համակարգի գործառույթները, կարձանագրեն նաև շահառուների առաջարկներն ու կարծիքները:

Կարդալ ավելին
06
սեպ

Հայաստանի Միգրացիոն ծառայությունը կգործարկի Ապաստան հայցողների գործերի կառավարման նոր համակարգ:

Համակարգի ներկայացման և փորձարկման միջոցառմանը ներկա էին  ՄԾ պետ Արմեն Ղազարյանը, պետի տեղակալ Իրինա Դավթյանը, համապատասխան ստորաբաժանման և Հատուկ կացարանի աշխատակիցները, ինչպես նաև ՄԱԿ-ի Փախստականների հարցերով  գերագույն հանձնակատարի գրասենյակի գործընկերները։

Հանդիպման ընթացքում քննարկվեցին Ապաստանի գործերի կառավարման նոր համակարգի առանձնահատկություններն ու գործառույթները: Մասնակիցներին ներկայացվեց համակարգի աշխատանքը, ինչպես նաև նրանք գործնական կերպով փորձարկեցին և ծանոթացան համակարգի աշխատանքին: Նոր համակարգը, որ ստեղծվել է Միգրացիոն ծառայության ՏՏ մասնագետների կողմից, միտված է աշխատելու ի հավելելումն ապաստանի համակարգը սպասարկող, Ծառայությունում արդեն իսկ գործող մյուս համակարգերի:

Հանդիպման ընթացքում նաև անդրադարձ կատարվեց ​​​​ապաստան հայցողների կամավոր վերադարձի մոդուլին և դրա առանձնահատկություններին: 

Կարդալ ավելին
19
օգո

Կառավարության 2021-2026 թթ. գործունեության ծրագրի 4.2 կետը վերաբերում է միգրացիային:

Ըստ այդմ՝ Կառավարությունը կարևորում է միգրանտների, այդ թվում` վերադարձող միգրանտների տնտեսական և մարդկային ներուժի ուղղորդումը երկրի զարգացման գործին:

Միգրացիոն քաղաքականության ոլորտում Կառավարության առաջնահերթությունները հետևյալն են.

- միգրացիայի կառավարման համակարգի ինստիտուցիոնալ բարեփոխումների իրականացում,

- միգրացիոն գործընթացների կառավարմանն ուղղված համակարգերի թվայնացում,

- քաղաքացիներին (այդ թվում՝ օտարերկրյա) տրամադրվող ծառայությունների թվայնացում, պարզեցում և ավտոմատացում,

- օտարերկրյա քաղաքացիներին ՀՀ-ում աշխատանքի թույլտվության և կացության տրամադրման համակարգի թվայնացում և պարզեցում,

- Հայաստանի Հանրապետության միգրացիայի պետական կառավարման հայեցակարգով նախատեսված՝ ինտեգրման և վերաինտեգրման խնդիրների կարգավորմանը, միգրացիոն հոսքերի կառավարմանը, հարկադիր միգրանտների զանգվածային ներհոսքի ճգնաժամային կառավարմանը, հայրենադարձության խթանմանն ուղղված գործողությունների կատարման ապահովում,

- Հայաստանի Հանրապետությունում ապաստան հայցող օտարերկրյա քաղաքացիների և քաղաքացիություն չունեցող անձանց ընդունման մեխանիզմների կատարելագործում,

- հետընդունման (ռեադմիսիայի) գործընթացների արդյունավետ կազմակերպում՝ այդ բնագավառում ստանձնած միջազգային պարտավորություններին համապատասխան:

Կարդալ ավելին
29
հուլ

1988-1992 թթ-ին Ադրբեջանից բռնագաղթած փախստական 24 ընտանիքների այսօր տրամադրվեցին բնակարանի գնման վկայականներ՝ ազդարարելով բնակապահովման ծրագրի երրորդ փուլի մեկնարկը:

Այս փուլի հավակնորդ շահառուները Երևանի Շենգավիթ վարչական շրջանի ժամանակավոր կացարաններում բնակվող փախստականներն են: Առաջին և երկրորդ փուլերով վկայականներ են հանձնվել Երևանի մյուս տասը վարչական շրջանների շահառուներին: Միգրացիոն ծառայության պետ Արմեն Ղազարյանն այսօր մոտ 337.5 մլն դրամի շրջանակում հանձնեց 17 մեկսենյականոց բնակարանի վկայական, 6 երկուսենյականոց և 1 երեքսենյականոց բնակարանի վկայական: Ծառայության պետը շնորհավորեց շահառուներին՝ ներկայացնելով գործընթացի փուլերը և հույս հայտնելով, որ հաջորդ տարի հնարավորություն կստեղծվի ծրագիրն իրականացնել նաև Հայաստանի մարզերում: «Հույս ունեմ, որ այսպիսով ձեր բեռը որոշակիորեն թեթևացնում ենք՝ երեսուն տարի անց լուծում տալով բնակապահովման խնդրին»,-ասաց նա:

Ծրագրի երրորդ փուլի հավակնորդ 161 շահառուներից 115-ը դիմել են Ծառայություն՝ ծրագրի մասնակցելու համար:

Ծրագրի երեք փուլերի արդյունքներով՝ բնակարանի գնման վկայականներ են հանձնվել 209 շահառուների: 133 ընտանիքներ (շահառուների ավելի քան 60 տոկոսը) արդեն իսկ գտել են բնակարաններ և դիմել գնման գործընթացը սկսելու համար: Ծրագրի ընդհանուր արժեքը կազմում է ավելի քան 5.8 մլրդ դրամ:


 

 

Կարդալ ավելին

Վիճակագրություն

Միգրացիոն ծառայությունը, որպես տեղեկատվություն տնօրինող, վիճակագրություն է գեներացնում և մշակում ապաստանի, փախստականների, ռեադմսիայի, ՌԴ մուտքի արգելքների ոլորտներում։ Ստորև ներկայացված մյուս վիճակագրական տվյալները ստացվում են գործընկեր կառույցներից։

Սահմանահատումների քանակը

2020 թ․
Մուտք
Ելք
Մնացորդ

Ռեադմիսիոն հայցերի թիվը

2019 թ․
Հաստատված
Չհաստատված
Ընդամենը

Ապաստանի դիմումների քանակը

2020 թ․
Հայցել է
Բավարարվել է
Մերժվել է