ՀՀ-ում գտնվող հարկադիր տեղահանված անձանց ինտեգրման և Հայաստան վերադարձող ՀՀ քաղաքացիների վերաինտեգրման քաղաքականության միասնական ռազմավարության
ՀՀ ՏԿԵՆ միգրացիոն ծառայությունն իրականացնում է Հայաստանի Հանրապետությունում գտնվող հարկադիր տեղահանված անձանց ինտեգրման և Հայաստանի Հանրապետություն վերադարձող ՀՀ քաղաքացիների վերաինտեգրման քաղաքականության մեկ միասնական հայեցակարգ մշակելու աշխատանքներ։ Այդ նպատակով ստեղծվել է միջգերատեսչական աշխատանքային խումբ՝ շահագրգիռ գերատեսչությունների, միջազգային և հասարակական կազմակերպությունների ներկայացուցիչների մասնակցությամբ։
Աշխատանքային խմբում ընդգրկավծ են Գերմանիայի միջազգային համագործակցության ընկերության (GIZ) հայկական գրասենյակի տեղացի փորձագետ Ալինա Պողոսյանը և ԵԱՀԿ Ժողովրդավարական հաստատությունների և մարդու իրավունքների գրասենյակի (ԵԱՀԿ/ԺՀՄԻԳ) միգրացիայի հարցերով խորհրդատու Պաբլո Ռոխաս Կոպարին՝ որպես միջազգային փորձագետ։
Մշակվող փաստաթուղթը ոլորտում գործող երկու տարբեր փաստաթղթերի համալիր վերանայումն է և դրանց հիման վրա մեկ միասնական հայեցակարգի ստեղծումը։
Աշխատանքային խումբը պարբերական հանդիպումների շրջանակում քննարկում և վերլուծում է ոլորտում առկա բացերն ու խնդիրները, գործող ծրագրերը, դեպի Հայաստան գրանցվող հոսքերը, դրանց կատեգորիզացումը և առանձնացումը՝ որպես առանձին թիրախ խմբեր, սահմանում նրանց կարիքները, ուրվագծում անելիքները։
Այս վերլուծությունների հիման վրա մշակվելու են առանձին գործողությունների ծրագրեր՝ յուրաքանչյուր թիրախային խմբի համար։
Փաստաթղթի մշակումից հետո այն կհրապարակվի։