Միգրացիոն ծառայություն / ՄԾ կադրային ապահովում / Թափուր աշխատատեղեր

Թափուր աշխատատեղեր

ՀԱՅՏԱՐԱՐՈՒԹՅՈՒՆ

16/08/2022

Միգրացիոն ծառայության աշխատանքային միգրացիայի և մոնիթորինգի բաժնի ավագ մասնագետի (ծածկագիրը՝ 22-1-22.1-Մ4-1)

քաղաքացիական ծառայության ժամանակավոր թափուր պաշտոնը զբաղեցնելու մասին

Հիմնական գործառույթներ.

  • Հայաստան վերադարձողներին, Հայաստանից մեկնել ցանկացողներին և այլոց տրամադրում է խորհրդատվական բնույթի տեղեկություններ.

  • մասնակցում է միգրացիոն գործընթացների կարգավորման հարցերով օտարերկրյա պետությունների պետական մարմինների, մասնագիտացված միջազգային կազմակերպությունների, ինչպես նաև այդ ոլորտում գործունեություն իրականացնող հասարակական կազմակերպությունների հետ համագործակցության իրականացմանը.

  • մասնակցում է միգրացիոն իրավիճակի մոնիթորինգի իրականացման նպատակով պատկան մարմիններից և այլ աղբյուրներից վիճակագրական ցուցանիշների վերաբերյալ տվյալների ձեռք բերմանը և ամփոփմանը.

  • մասնակցում է օտարերկրացուն աշխատանքի թույլտվության կամ աշխատանքի հիմքով ժամանակավոր կացության կարգավիճակ, ինչպես նաև Հայաստանի Հանրապետության համապատասխան միջազգային պայմանագրերի ուժով աշխատանքի թույլտվություն ստանալու պահանջից ազատված օտարերկրացիների ՀՀ-ում օրինական բնակությունը հաստատող տեղեկանք տրամադրելու, մերժելու, կասեցնելու կամ դադարեցնելու գործընթացների իրականացմանը.

  • մասնակցում է օտարերկրացի աշխատողի ներգրավման միասնական էլեկտրոնային հարթակի վարման աշխատանքներին (պաշտոնի անձնագիրը կցվում է)։

 

Նշված ժամանակավոր թափուր պաշտոնը զբաղեցնելու համար պահանջվում է`

բարձրագույն կրթություն,

գործառույթների իրականացման համար անհրաժեշտ գիտելիքներ,

հանրային ծառայության առնվազն մեկ տարվա ստաժ կամ մեկ տարվա մասնագիտական աշխատանքային ստաժ կամ փաստաթղթավարության բնագավառում մեկ տարվա աշխատանքային ստաժ։

 

 

Ժամանակավոր թափուր պաշտոնը զբաղեցնելու ժամկետը՝ մինչև 2022 թվականի դեկտեմբերի 29-ը ներառյալ:

Դիմումները ներկայացնելու վերջնաժամկետը`  19.08.2022թ.:

Աշխատավարձի պաշտոնային դրույքաչափը՝ 150 799 ՀՀ դրամ:

Ընտրություն կատարելու եղանակը՝  ինքնակենսագրականների ուսումնասիրություն, հարցազրույց:

 

Դիմող ՀՀ քաղաքացիները պետք է ներկայացնեն հետևյալ փաստաթղթերը.

  • դիմում Միգրացիոն ծառայության գլխավոր քարտուղարի անունով (ձևը կցվում է).

  • տվյալ պաշտոնը զբաղեցնելու համար մասնագիտական գիտելիքների տիրապետումը հավաստող դիպլոմի(ների), վկայական(ների) պատճենները.

  • աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճեները.

  • արական սեռի անձիք նաև զինգրքույկ կամ դրան փոխարինող ժամանակավոր և զորակոչային տեղամասին կցագրման վկայական.

  • մեկ գունավոր լուսանկար 3X4 սմ չափսի.

  • անձնագրի կամ նույնականացման քարտի պատճենը.

  • համառոտ CV։


 

Փաստաթղթերը ընդունվում են ամեն օր, ժամը 9.30-13.00-ը, բացի շաբաթ և կիրակի օրերից:

Աշխատանքի վայրը` ք.Երևան, Քանաքեռ-Զեյթուն վարչական շրջան, Կ. Ուլնեցու 31

Հեռախոսահամարը` 060 275 013

Էլեկտրոնային փոստի հասցե` migrationservice.sms@mta.gov.am:


 

 

 

 

 

 

 

 

Հավելված N 4

Հաստատված է

Տարածքային կառավարման և զարգացման նախարարության

միգրացիոն ծառայության գլխավոր քարտուղարի

 

2020 թվականի ապրիլի 7-ի

 

N 22-Ա հրամանով

 

 

ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ՊԱՇՏՈՆԻ ԱՆՁՆԱԳԻՐ

 

ՄԻԳՐԱՑԻՈՆ ԾԱՌԱՅՈՒԹՅԱՆ ԱՇԽԱՏԱՆՔԱՅԻՆ ՄԻԳՐԱՑԻԱՅԻ ԵՎ ՄՈՆԻԹՈՐԻՆԳԻ ԲԱԺՆԻ ԱՎԱԳ ՄԱՍՆԱԳԵՏ

 

1․ Ընդհանուր դրույթներ

1.1 Պաշտոնի անվանումը, ծածկագիրը

Միգրացիոն ծառայության (այսուհետ՝ Ծառայություն) աշխատանքային միգրացիայի և մոնիթորինգի բաժնի (այսուհետ՝ Բաժին) ավագ մասնագետ (ծածկագիրը՝ 22-1-22.1-Մ4-1)

1.2Ենթակա և հաշվետու է

Ավագ մասնագետը անմիջական ենթակա և հաշվետու է Բաժնի պետին:

1.3Փոխարինող պաշտոնի կամ պաշտոնների անվանումները

Ավագ մասնագետի բացակայության դեպքում նրան փոխարինում է Բաժնի մյուս ավագ մասնագետը կամ գլխավոր մասնագետը կամ գլխավոր վերլուծաբանը կամ գլխավոր իրավաբանը։

1.4 Աշխատավայրը

Հայաստան, ք. Երևան, Քանաքեռ-Զեյթուն վարչական շրջան, Կ. Ուլնեցու 31

2. Պաշտոնի բնութագիր

 

    1. Աշխատանքի բնույթը, իրավունքները, պարտականությունները

  1. Հայաստան վերադարձողներին, Հայաստանից մեկնել ցանկացողներին և այլոց տրամադրում է խորհրդատվական բնույթի տեղեկություններ.

  2. մասնակցում է միգրացիոն գործընթացների կարգավորման հարցերով օտարերկրյա պետությունների պետական մարմինների, մասնագիտացված միջազգային կազմակերպությունների, ինչպես նաև այդ ոլորտում գործունեություն իրականացնող հասարակական կազմակերպությունների հետ համագործակցության իրականացմանը.

  3. մասնակցում է միգրացիոն իրավիճակի մոնիթորինգի իրականացման նպատակով պատկան մարմիններից և այլ աղբյուրներից վիճակագրական ցուցանիշների վերաբերյալ տվյալների ձեռք բերմանը և ամփոփմանը.

  4. մասնակցում է օտարերկրացուն աշխատանքի թույլտվության կամ աշխատանքի հիմքով ժամանակավոր կացության կարգավիճակ, ինչպես նաև Հայաստանի Հանրապետության համապատասխան միջազգային պայմանագրերի ուժով աշխատանքի թույլտվություն ստանալու պահանջից ազատված օտարերկրացիների ՀՀ-ում օրինական բնակությունը հաստատող տեղեկանք տրամադրելու, մերժելու, կասեցնելու կամ դադարեցնելու գործընթացների իրականացմանը.

  5. մասնակցում է օտարերկրացի աշխատողի ներգրավման միասնական էլեկտրոնային հարթակի վարման աշխատանքներին։

 

Իրավունքները՝

  1. այլ մարմիններից ստանալ միգրանտներին խորհրդատվություն տրամադրելու համար անհրաժեշտ տեղեկատվություններ և նյութեր.

  2. միջազգային կառույցների հայաստանյան ներկայացուցչությունների համապատասխան աշխատակիցների հետ կազմակերպել աշխատանքային քննարկումներ.

  3. ԱՊՀ, ինչպես նաև ԵՏՄ անդամակցությունից բխող միգրացիայի բնագավառում համագործակցության շրջանակներում մասնակցել համաձայնագրերի և այլ փաստաթղթերի վերաբերյալ մասնագիտական եզրակացությունների կազմման աշխատանքներին.

  4. համապատասխան մարմիններից և Ծառայության համապատասխան ստորաբաժանումներից պահանջել ներկայացնել համապատասխան տեղեկատվություն և վարչական վիճակագրական տվյալներ

  5. օտարերկրացի աշխատողի ներգրավման միասնական էլեկտրոնային հարթակին մշտական հասանելիություն ունեցող մարմիններից պահանջել գրավոր եզրակացություն օտարերկրացուն աշխատանքի հիմքով ժամանակավոր կացության կարգավիճակ տրամադրելու (բացառություների ցանկի ընտրված կետին օտարերկրացու համապատասխանության) վերաբերյալ.

  6. մասնակցել օտարերկրացիների աշխատանքի թեմայով սեմինարներին.

  7. մասնակցել օտարերկրացիների աշխատանքային դեպքի քննարկումներին։

 

Պարտականությունները՝

  1. ընդունել ՌԴ մուտքի արգելք ունեցող քաղաքացիների դիմումները, ցուցակները ներկայացնել ՌԴ ՆԳՆ միգրացիայի հարցերով գլխավոր վարչություն, ստացված տեղեկությունների վերաբերյալ իրազեկել քաղաքացիներին.

  2. մասնակցել բնակչության միգրացիային առնչվող ՀՀ միջազգային պայմանագրերի նախագծերի մշակման աշխատանքներին.

  3. տարբեր մարմիններից ստացված վարչական վիճակագրական տվյալների հիման վրա կազմել Հայաստանի միգրացիոն պրոֆիլի ցուցանիշները.

  4. ամփոփել միգրացիոն իրավիճակի մոնիթորինգի իրականացման նպատակով ձեռք բերված և վերլուծված համապատասխան տեղեկությունները և ներկայացնել Բաժնի պետին.

  5. կատարել ժամանակավոր կացության քարտի կամ օրինական բնակության տեղեկանքի քարտի տպագրումը՝ պլաստիկ քարտերի տպագրման սարքի միջոցով և «Մեկ պատուհանի» սկզբունքով գործող հանրային ծառայությունների միասնական գրասենյակում տրամադրել օտարերկրացուն.

  6. օտարերկրացի աշխատողի ներգրավման միասնական էլեկտրոնային հարթակի միջոցով վարել տրամադրված ժամանակավոր կացության կարգավիճակի քարտերի և օրինական բնակության տեղեկանքների ստացումը հավաստող էլեկտրոնային մատյանը.

  7. ամփոփել օտարերկրացիների հետ կնքված աշխատանքային պայմանագրերի էլեկտրոնային հաշվառման տվյալները և արդյունքների մասին զեկուցել Բաժնի պետին:

3․ Պաշտոնին ներկայացվող պահանջներ

3.1 Կրթություն, որակավորման աստիճանը

Բարձրագույն կրթություն

3.2 Մասնագիտական գիտելիքները

Ունի գործառույթների իրականացման համար անհրաժեշտ գիտելիքներ։

3.3Աշխատանքային ստաժը, աշխատանքի բնագավառում փորձը

Հանրային ծառայության առնվազն մեկ տարվա ստաժ կամ մեկ տարվա մասնագիտական աշխատանքային ստաժ կամ փաստաթղթավարության բնագավառում մեկ տարվա աշխատանքային ստաժ։

 

3.4 Անհրաժեշտ կոմպետենցիաներ

 

Ընդհանրական կոմպետենցիաները՝

  1. Խնդրի լուծում

  2. Հաշվետվությունների մշակում

  3. Տեղեկատվության հավաքագրում, վերլուծություն

  4. Բարեվարքություն

 

Ընտրանքային կոմպետենցիաները՝

  1. Կոնֆլիկտների կառավարում

  2. Տեղեկատվական տեխնոլոգիաներ և հեռահաղորդակցություն

  3. Բողոքների բավարարում

  4. Ժամանակի կառավարում

  5. Փաստաթղթերի նախապատրատում

 

4. Կազմակերպական շրջանակ

4.1 Աշխատանքի կազմակերպման և ղեկավարման պատասխանատվությունը

Պատասխանատու է կառուցվածքային ստորաբաժանման աշխատանքների վերջնարդյունքի ապահովման մասնակցության և միջանկյալ արդյունքի ստեղծման և ապահովման ևմասնագիտական օժանդակության համար:

4.2 Որոշումներ կայացնելու լիազորությունները

Կայացնում է որոշումներ կառուցվածքային ստորաբաժանման աշխատանքների վերջնարդյունքի ապահովման մասնակցության և միջանկյալ արդյունքի ստեղծման և ապահովման և մասնագիտական օժանդակության շրջանակներում:

 

4.3 Գործունեության ազդեցությունը

Ունի ազդեցություն մասնագիտական աշխատանքների ապահովման և որոշակի մասնագիտական գործառույթների իրականացման շրջանակներում:

4.4 Շփումները և ներկայացուցչությունը

Իր իրավասության շրջանակներում շփվում և որպես ներկայացուցիչ հանդես է գալիս տվյալ մարմնի կառուցվածքային այլ ստորաբաժանումների, ինչպես նաև համապատասխան մարմնից դուրս մասնագիտական հարցերով շփվում է այլ մարմինների և ներկայացուցիչների հետ:

4.5 Խնդիրների բարդությունը և դրանց լուծումը

Իր լիազորությունների շրջանակներում բացահայտում է մասնագիտական խնդիրներ և այդ խնդիրների լուծման մասով տալիս է մասնագիտական առաջարկություն և մասնակցում է կառուցվածքային ստորաբաժանման առջև դրված խնդիրների լուծմանը:


 

ՀԱՅՏԱՐԱՐՈՒԹՅՈՒՆ

Միգրացիոն ծառայությունը հայտարարում է ներքին մրցույթ՝ Միգրացիոն ծառայության վերադարձի և վերաինտեգրման բաժնի գլխավոր մասնագետի (ծածկագիր՝ 22-1-22.4-Մ2-1) քաղաքացիական ծառայության  թափուր պաշտոնը զբաղեցնելու մասին

Միգրացիոն ծառայության վերադարձի և վերաինտեգրման բաժնի գլխավոր մասնագետի (ծածկագիր՝ 22-1-22.4-Մ2-1) քաղաքացիական ծառայության պաշտոնի բնութագրի, պաշտոնն զբաղեցնող քաղաքացիական ծառայողի համար սահմանված իրավունքների, պարտականությունների, պաշտոնին ներկայացվող պահանջների՝ պաշտոնի համար պահանջվող կրթության, աշխատանքային ստաժի, աշխատանքի բնագավառում փորձի, մասնագիտական գիտելիքների, կոմպետենցիաների, ինչպես նաև աշխատանքի կազմակերպման լիազորությունների և ղեկավարման շրջանակների մասին տեղեկատվությունը ներառված է պաշտոնի անձնագրում, որի էլեկտրոնային օրինակին կարող եք ծանոթանալ կից:

 

Մրցույթին մասնակցելու համար դիմումները ներկայացվում են առցանց` https://cso.gov.am/internal-external-competitions հղումով` 2022 թվականի սեպտեմբերի 2-ից մինչև 2022 թվականի սեպտեմբերի 7-ը ներառյալ՝ քսանչորսժամյա ռեժիմով՝ կցելով անհրաժեշտ փաստաթղթերը:

Անհրաժեշտ է կցել հետևյալ փաստաթղթերը՝
1. դիմում (առցանց),
2. անձնագիր և/կամ նույնականացման քարտի լուսանկար (եթե անձը նույնականացման կամ սոցիալական քարտ չի կցվում, ապա անհրաժեշտ է կցել անձին հանրային ծառայության համարանիշ տրամադրելու մասին տեղեկանքի կամ հանրային ծառայության համարանիշի տրամադրումից հրաժարվելու մասին տեղեկանքի լուսանկար),
3. բարձրագույն կրթությունը հավաստող փաստաթղթի(երի) լուսանկար,
4. աշխատանքային գործունեությունը հավաստող փաստաթղթերի լուսանկար,
5. արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասին կցագրման վկայականի լուսանկար,
6. լուսանկար՝ 3X4 չափսի:

Մրցույթի թեստավորման փուլը կանցկացվի 2022 թվականի հոկտեմբերի 3-ին՝ ժամը 11-ին, Միգրացիոն ծառայությունում (հասցե՝ ք. Երևան, Քանաքեռ-Զեյթուն վարչական տարածք, Կ. Ուլնեցու 31):

Մրցույթի հարցազրույցի փուլը կանցկացվի 2022 թվականի հոկտեմբերի 5-ին՝ ժամը 11-ին, Միգրացիոն ծառայությունում (հասցե՝ ք. Երևան, Քանաքեռ-Զեյթուն վարչական տարածք, Կ. Ուլնեցու 31):

Մրցույթի հարցազրույցի փուլը կանցկացվի «Հարցարան» ձևաչափով:

Հիմնական աշխատավարձը 212 309 (երկու հարյուր տասներկու հազար երեք հարյուր ինը) ՀՀ դրամ է:

 

Նշված պաշտոնին հավակնող անձը պետք է լինի բարեկիրթ, պարտաճանաչ, հավասարակշռված, գործնական, ունենա նախաձեռնողականություն և պատասխանատվության զգացում:

Թեստում ընդգրկվող մասնագիտական գիտելիքների վերաբերյալ թեստային առաջադրանքները կազմված են հետևյալ բնագավառներից՝

  • Սահմանադրություն. հոդվածներ՝ 14, 38, 40, 47, 51, 54, 55

հղումը՝ http://www.irtek.am/views/act.aspx?aid=150151

 

  • «Քաղաքացիական ծառայության մասին» օրենք. հոդվածներ՝ 6, 7, 10, 17, 31

հղումը՝ http://www.irtek.am/views/act.aspx?aid=150576

 

  • «Օտարերկրացիների մասին» օրենք. հոդվածներ՝ 2, 7, 9, 10, 11, 14, 16, 20, 32

hղումը` http://www.irtek.am/views/act.aspx?aid=150101

 

  • «Միջազգային պայմանագրերի մասին» օրենք. հոդվածներ՝ 2, 3, 10

հղումը՝ http://www.irtek.am/views/act.aspx?aid=150581

 

  • «Հայաստանի Հանրապետության քաղաքացիության մասին» օրենք. հոդվածներ՝ 1, 6, 9, 11, 12.1, 13.1, 26, 27, 29

հղումը` http://www.irtek.am/views/act.aspx?aid=230

 

  • Վարչարարության հիմունքների և վարչական վարույթի մասին. հոդվածներ՝ 30, 31, 33, 35, 46

 

հղումը՝ http://www.irtek.am/views/act.aspx?aid=150044

 

  • ՀՀ կառավարության 2020 թվականի մարտի 19-ի «Հայաստանի Հանրապետության վերադարձող (այդ թվում՝ հարկադիր վերադարձող) քաղաքացիների վերինտեգրմանն ուղղված առաջնային աջակցության պետական ծրագրի մասին» N 336-Լ որոշում

հղումը` https://www.arlis.am/DocumentView.aspx?docid=152379

 

  • Ինֆորմատիկա 7-րդ դասարան։ Դասագիրք հանրակրթական դպրոցի համար։ Ս.Ս.Ավետիսյան, Ա.Վ.Դանիելյան։ Մասնագիտական խմբագիր՝ Ռ.Վ. Աղգաշյան։ Երևան 2012

հղումը՝ http://fliphtml5.com/fumf/egdx

 

  • Օտար լեզուների (ռուսերենի և անգլերենի) ազատ տիրապետում

հղումը՝ https://lib.armedu.am/resource/23925 (ռուսաց լեզու), մաս 1, 2.6. Лексическое значение слова

հղումը՝ https://lib.armedu.am/resource/13817 (անգլերեն), մաս 1, Section 4, section 9. Ընտրել նախադասության բովանդակությանը համապատասխանող տարբերակը, Section 6. Ընտրել ուղղակի/անուղղակի խոսքի փոխակերպման ճիշտ տարբերակը։

 


 

Թեստում ընդգրկվող կոմպետենցիաների վերաբերյալ թեստային առաջադրանքները կազմված են տվյալ պաշտոնի համար սահմանված և ՀՀ Կառավարության պաշտոնական ինտերնետային կայքէջում հրապարակված ընդհանրական կոմպետենցիաներից, մասնավորապես՝

հղումը՝ https://www.gov.am/u_files/file/Haytararutyunner/3.pdf

Մրցույթին մասնակցել ցանկացող քաղաքացիները մրցույթի վերաբերյալ հարցերի և լրացուցիչ տեղեկությունների համար կարող են դիմել Միգրացիոն ծառայություն (հասցե՝ ՀՀ, ք. Երևան, Քանաքեռ-Զեյթուն վարչական տարածք, Կ. Ուլնեցու 31, հեռ.՝ 060 275 013, էլ. փոստի հասցե՝ migrationservice.sms@mta.gov.am)

սեպ 2022 01

Պաշտոնի անձնագիր

Միգրացիոն ծառայության աշխատանքային միգրացիայի և մոնիթորինգի բաժնի գլխավոր վերլուծաբանի (ծածկագիր՝ 22-1-22.1-Մ2-2) քաղաքացիական ծառայության թափուր պաշտոնը զբաղեցնելու մասին

Հղումը՝ https://cso.gov.am/internal-external-competitions/4089/view