ՀՀ քաղաքացիություն ստանալը, եթե դիմումատուն ազգությամբ հայ չէ և  հանդիսանում է Հայաստանի Հանրապետությունում բնակվող` քաղաքացիություն չունեցող անձ

ՔԱՅԼ 1. Տվյալ դեպքում անձը ներկայացնում է ՝ 1) դիմում, 2) քաղաքացիություն չունեցող անձի կարգավիճակը հավաստող փաստաթուղթը և դրա պատճենը, 3) 35 x 45 մմ չափի 6 լուսանկար (գունավոր), 4) ծննդյան վկայականը և դրա պատճենը, 5)  պետական տուրքի վճարումը հավաստող փաստաթուղթը (պետական տուրքը 1000 դրամ է) : Օտարալեզու փաստաթղթերը պետք է լինեն հայերեն թարգմանված, վավերացված սահմանված կարգով։ ՔԱՅԼ 2. Դիմումատուն հանձնում է ՀՀ Սահմանադրության իմացության թեստ։ ՔԱՅԼ 3. Եթե առկա չէ ԱԱԾ բացասական եզրակացություն, ՀՀ Նախագահի կողմից ՀՀ քաղաքացիությունը շնորհվում է 90 աշխատանքային օրվա ընթացքում։ ՔԱՅԼ 4. ՀՀ Նախագահի կողմից ՀՀ քաղաքացիություն շնորհվելուց հետո անձը կարող է դիմել կամ այլ պետությունում գտնվող ՀՀ դիվանագիտական ծառայություն կամ ՀՀ-ում գտնվելու դեպքում անձնագրային և վիզաների վարչություն՝ երդման արարողությանը մասնակցելու և ՀՀ քաղաքացու անձնագիր ստանալու համար։