ՀՀ քաղաքացիություն ստանալը, եթե դիմումատուն ազգությամբ հայ չէ և զավակը ՀՀ քաղաքացի է

ՔԱՅԼ 1. 18 տարին լրացած օտարերկրացին այլ պետությունում գտնվելու դեպքում դիմում է ՀՀ դիվանագիտական ծառայություն, իսկ ՀՀում գտնվելու դեպքում՝ անձնագրային և վիզաների վարչություն։ Տվյալ դեպքում օտարերկրացին ներկայացնում է՝ 1) դիմում, 2) անձնագիրը և դրա պատճենը, 3) 35 x 45 մմ չափի 6 լուսանկար (գունավոր), 4) ծննդյան վկայականը և դրա պատճենը, 5) իր ամուսնության կամ զավակի հայրության ճանաչման վկայականը և պատճենը, 6) ՀՀ քաղաքացի զավակի ծննդյան վկայականը և պատճենը, 7) ՀՀ քաղաքացի զավակի անձնագիրը և պատճենը, 8) ՀՀ-ում վերջին երկու տարվա ընթացքում առնվազն 365 օր օրինական հիմքերով բնակությունը հավաստող փաստաթուղթը և պատճենը (կացության քարտ, ՌԴ քաղաքացիների դեպքում կամ կացության քարտ կամ ՌԴ անձնագրում հաշվառման նշում), 9)  պետական տուրքի վճարումը հավաստող փաստաթուղթը (պետական տուրքը 1000 դրամ է) : Օտարալեզու փաստաթղթերը պետք է լինեն հայերեն թարգմանված, վավերացված սահմանված կարգով։ ՔԱՅԼ 2. Դիմումատուն հանձնում է ՀՀ Սահմանադրության իմացության թեստ։ ՔԱՅԼ 3. Եթե առկա չէ ԱԱԾ բացասական եզրակացություն, ՀՀ Նախագահի կողմից ՀՀ քաղաքացիությունը շնորհվում է 90 աշխատանքային օրվա ընթացքում։ ՔԱՅԼ 4. ՀՀ Նախագահի կողմից ՀՀ քաղաքացիություն շնորհվելուց հետո անձը կարող է դիմել կամ այլ պետությունում գտնվող ՀՀ դիվանագիտական ծառայություն կամ ՀՀ-ում գտնվելու դեպքում անձնագրային և վիզաների վարչություն՝ երդման արարողությանը մասնակցելու և ՀՀ քաղաքացու անձնագիր ստանալու համար։