Ճամպրուկ 2020-ը մեկնարկել է

Հայաստանում ՄԱԿ-ի Փախստականների գործակալությունը և ՀՀ Տարածքային կառավարման և ենթակառուցվածքների նախարարության Միգրացիոն ծառայությունը շարունակում են «ՃԱՄՊՐՈՒԿ» ամենամյա լրագրողական մրցույթի տասնամյա ավանդույթը։

Այս տարի մրցույթին կարող են ներկայացվել 2020 թ. հունվարի 1-ից մինչև 2020 թ. նոյեմբերի 15-ի ժամանակահատվածում հրապարակված նյութերը՝ հետևյալ թեմաներով.

  • COVID-19 համավարակի տնտեսական և սոցիալ-հոգեբանական ազդեցությունը տեղահանված անձանց և միգրանտների կյանքում.
  • ապաստան և միջազգային պաշտպանություն.
  • փախստականներ և ինտեգրում.
  • վերադարձ և վերաինտեգրում.
  • քաղաքացիություն չունեցող անձինք և նրանց խնդիրները.
  • միգրացիան համավարակի պայմաններում։

Մրցույթին կարող են մասնակցել հեռուստատեսության, ռադիոյի, տպագիր մամուլի, էլեկտրոնային մեդիա ոլորտի բոլոր ժանրերում գործունեություն ծավալող լրագրողներ և թղթակիցներ, անկախ բլոգերներ, լուսանկարիչներ, մուլտիմեդիայի մասնագետներ։

Մրցույթի արդյունքների ամփոփմամբ կազդարարվեն 1-ին, 2-րդ և 3-րդ մրցանակների հաղթողները, ինչպես նաև կընտրվեն երկու խրախուսական մրցանակների հաղթողները։

Մրցույթի մասնակիցների առաջադրած աշխատանքները կքննարկվեն ժյուրիի կողմից և կամփոփվեն մրցանակաբաշխության հանդիսավոր արարողությամբ՝

2020 թ. դեկտեմբերի 18-ին՝ Միգրանտների միջազգային օրը։

Նյութերն անհրաժեշտ է ուղարկել մինչև 2020 թ. նոյեմբերի 20-ը, ժ. 23։59, էլ-փոստի armye@unhcr.org և migrationservice.sms@mta.gov.am հասցեներով՝ պարտադիր նշելով հետևյալը.

- հեղինակի անունը և ազգանունը,

- կոնտակտային տվյալներ (հեռախոսի համար, էլ-փոստի հասցե),

- հրապարակման ամսաթիվը, հղումը, հեղինակության լրացուցիչ հիմնավորում (եթե մասնակիցը տեսնում է դրա կարիքը),

- լրատվամիջոցի անվանումը։

Հարցերի դեպքում խնդրում ենք զանգահարել հետևյալ հեռախոսահամարներով. 091 41 61 27; 060 27 50 36։

«ՃԱՄՊՐՈՒԿ 2020» լրագրողական մրցույթի նպատակը թեմատիկ լուսաբանման ոլորտում լավագույն փորձը խրախուսելն է։ Հայաստանում փախստականների, տեղահանված անձանց, քաղաքացիություն չունեցող անձանց և միգրանտների ու նրանց ինտեգրման գործընթացների վերաբերյալ գրագետ և ազդեցիկ մեդիա բովանդակությունը քաջալերելով նպատակ ունենք ոգեշնչելու լրագրողներին առավել ընդգրկուն, ճշմարիտ և անաչառ մոտեցումներ ցուցաբերելու տեղահանված անձանց և միգրանտների վերաբերյալ լրագրության և լուսաբանման գործում։

Ըստ թեգերի