ՔՆՆԱՐԿՎԵՑ ՓԱԽՍՏԱԿԱՆՆԵՐԻ ՀԱՐՑԵՐՈՎ ԶԲԱՂՎՈՂ ՄԻԱՍՆԱԿԱՆ ՀԱՐԹԱԿ ՍՏԵՂԾԵԼՈՒ ԳԱՂԱՓԱՐԸ

Միգրացիոն ծառայության պետ Արմեն Ղազարյանն այսօր ընդունեց Մարդկային զարգացման միջազգային կենտրոնի՝ փախստականության խնդիրներին ուղղված նախաձեռնող խմբի համակարգող Արթուր Ղազարյանին և կենտրոնի ղեկավար Թևան Պողոսյանին։

Ամփոփելով ս․թ․ հունիսի 20-ին՝ Փախստականների համաշխարհային օրվան նվիրված միջազգային կոնֆերանսի արդյունքները՝ կողմերը քննարկեցին փախստականների հայկական հարթակ ստեղծելու գաղափարը։ ՄԾ պետ Ա․Ղազարյանը ողջունեց միասնական հարթակի ստեղծման մտահաղացումը և ներկայացրեց ոլորտում առկա մարտահրավերներն ու ընթացիկ աշխատանքները։

Ա․ Ղազարյանը, ներկայացնելով ՄԶՄԿ-ի նախաձեռնող խմբի նախնական հանդիպումների բովանդակությունը, հնչած մտահոգություններն ու հարթակի երկարաժամկետ տեսլականը, հայտնեց, որ առաջիկայում հանդիպումներ են նախատեսվում ոլորտի այլ շահագրգիռ գերատեսչությունների ղեկավարների հետ, աշխատանքներ կտարվեն Ազգային ժողովի հետ համատեղ, ինչպես նաև կլինի համագործակցություն հասարակական հատվածի հետ։

 

 

Շատ դիտվածներ