Միգրացիոն ծառայության պետ Արմեն Ղազարյանը ներկա գտնվեց Համաշխարհային բանկի "Աշխատել Հայաստանի ավելի լավ ապագայի ապահովման համար. աշխատաշուկայի դինամիկայի վերլուծություն" աշխատաշուկայի ախտորոշիչ ուսումնասիրության և միգրացիային նվիրված "Աշխատուժի միջազգային շարժունության ավելի լավ ընկալում" շրջանակային փաստաթղթի ներկայացմանը:
Հետազոտությունների ներկայացումից հետո տեղի ունեցավ աշխատանքային քննարկում Համաշխարհային բանկի սոցիալական պաշտպանության և զբաղվածության թիմի հետ, որի ղեկավարը՝ սոցիալական պաշտպանության և զբաղվածության ոլորտի ավագ տնտեսագետ Մադդալենա Հոնորատին, ներկայացրեց հաջորդ հետազոտության համար նախատեսվող աշխատանքները։
ՄԾ պետ Ա. Ղազարյանը շեշտադրեց առաջնահերությունները միգրացիոն քաղաքանության համատեքստում՝ անդրադառնալով սեզոնային ախատանքային միգրանտների կողմից իրականացվող դրամական փոխանցումներին։ «Առաջիկայում մի ծրագիր ենք իրականացնելու ԵՄ ֆինանսական օժանդակությամբ՝ 1+1 սկզբունքով, որի գաղափարը աշխատանքային միգրանտի ֆինանսական միջոցները կրկնապատկելն ու այն ներդրումային նպատակների ուղղելն է»,-ասաց Ղազարյանը՝ առաջարկելով նմանօրինակ այլ մեխանիզմների մշակում՝ համայնքների զարգացման տրամաբանությամբ։
Ավագ տնտեսագետ Սունհվա Յին, մեջբերով համանման երկրների միջազգային փորձեր, խոստացավ առաջարկների փաթեթ մշակել և ներկայացնել համատեղ քննարկման։
Աշխատանքի և սոցիալական հարցերի փոխնախարար Արման Ուդումյանը ընդգծեց մեծ գործատուների պակասը Հայաստանում և դրանից բխող դժվարությունները աշխատաշուկայում։